Turnéoversikt

Joik

Rikskonsertane 2012 vår
Med: Halvdan Nedrejord og Mikkel Gaup
For: 8. - 10. årstrinn

JOIK HAR STØRRE KRAFT ENN KRUTT

Om produksjonen

Gjennom denne konserten ønskjer vi å gi elevane ei direkte oppleving av joik, formidle kunnskap om dei forskjellige formene for joik og sjå på i kva samanheng dei vert brukte. Begge utøvarane er dyktige formidlarar, og konserten er både ei musikkoppleving og eit direkte møte med ein gammal og høgst levande tradisjon. Joiken vert rekna som ei av dei eldste nålevande musikkformene i Europa.

Dei fleste har nok høyrt ein joik tidlegare, og høyrer du etter vil du innimellom ukjende ord, plukke opp ord som “mobiltelefon” og “internett”. Da skjønar ein at joiken kan ha både alvor og skjemt i seg og at denne særeigne vokaltradisjonen er i stadig utvikling.

Programmet legg opp til at elevane kan komme med spørsmål undervegs. Ein stad spør ein om dyre- og naturjoikar, andre stader om personjoikar, om sjamanisme og joik, joik i kyrkja, om friarjoikar osv. Temaa som dukkar opp og alle spørsmåla gjer at konsertane er forskjellige frå gong til gong og frå stad til stad. Av og til har det hendt at dei som joikar også har lagd nye joikar der og da. Og er du heldig: kanskje får også DU din personlege joik i løpet av konserten!

Sagt om joik:

  • Joiken er din ven, og du er aldri åleine.
  • Joik er sterkare enn krut.
  • Ein god joikar er ein som kan mange joikar.
  • Joiken er minna sin kunst.
  • Ein joik tek aldri slut

Praktisk informasjon

  • Speletid: 45 min
  • Opprigg: 30 min
  • Nedrigg: 5 min
  • Maks publikum: 160

KORLEIS SKOLANE KAN STYRKJE SI EIGA KONSERTOP LEVING

Det er svært viktig for utbyttet av konserten at elevane er budde og har snakka om samisk kultur på førehand. Dette er sikkert eit tema som skolen har teke for seg tidlegare, men det er viktig at dette vert friska opp før konserten.

Aktuell litteratur:

  • SAMENE – EN HÅNDBOK – Sámi Instituhtta/Dávvi Girji 1990
  • SAMISK KULTURKUNNSKAP - Bård A Berg m.fl ., Vett & Viten 2003
  • SAMISK KUNST- OG KULTURHISTORIE - Frode Tveterås m.fl ., Vett & Viten 2002
  • MED JOIK SOM UTGANGSPUNKT - Frode Fjellheim, Vuelie forlag 2004 (lærebok i joik)
  • JOIK I DEN GAMLE SAMISKE RELIGIONEN - Wersland/Rognli, 2006
  • SAMISKE TRADISJONERE OG SKIKKER - Odd Mathis Hætta, Davvo Girji 2006

Websider med informasjon om joik: http://troms.skolekom.no/~line.lund.nilsen@skanland.vgs.no/lyrisk/om.htm http://www.karasjok.kommune.no/files/samiskskoleportal/skoleportal/0-web/norsk/index.htm
http://www.jus.uit.no/ansatte/somby/juoigNOR.htm
http://www.vuelie.no/mjsu.htm
http://www.samitour.no 
http://home.no.net/gretahys/Tekststudier/om% 20joiken html http://troms.kulturnett.no/bibliotek/samisk/samisk_litteratur.htm 
http://www2.skolenettet.no/html/met/samiskeforh/sf_26.html

Sjå også boka Bruk konserten! for fleire undervisningsopplegg

www.rikskonsertene.no/brukkonserten

Velkomen til konsert!

Om Halvdan Nedrejord og Mikkel Gaup

Halvdan Nedrejord er frå Karasjok og har vore frilans-musikar, kyrkjeorganist og komponist i mange år. Han har tidlegare vore musikkonsulent i Karasjok kommune og bl.a. starta ein av landets første kulturskolar. Han har komponert musikk til TV, film,ballett- og teaterframsyningar, til installasjonar og museum, og til pedagogiske formål. Han har også lagd liturgisk musikk og er representert i norske og samiske salmebøker. Han har produsert og medverka på eit 40-tals plater. Sidan Halvdan starta som skolekonsertmusikar i 1984, har det vorte 14-1500 konsertar innafor mange stilartar.

Mikkel Gaup, er ein norsk-samisk skådespelar, som fekk sitt store gjennombrot med hovedrolla i den Oscar-nominerte filmen Veiviseren. Sia har han vore med i kjende filmer som Breaking the Waves (også den Oscar-nominert) og senast i hovudrolla som Aslak Jacobsen Hætta i Kautokeino-opprøret. På TV har han og gjort fleire store roller som Tvilling i Jul i Blåfjell, Solens sønn og månens datter og han har vore programleiar i Påskemorgen. Gaup har hatt teaterroller ved Den Nationale Scene, Riksteatret, ABC-teatret og Beaivvaš Sámi Teáhter.

Dokument

Turnéar

Turnéplan