Turneverksemda i grunnskulen
For skuleåret 2010/2011 er det sett av kr 3 180 351 til turneordning og produksjonsutvikling for grunnskulen. Midlar overført frå skuleåret 2009/2010 til skuleåret 2010/2011, vert også nytta til turnear og produksjonsutvikling.
DKS Hordaland vil dette skuleåret engasjere ei rekkje lokale og regionale frittståande, profesjonelle kunstnarar. Det vert nytta kunstnarar frå Hordaland som turnéleiarar for eigne produksjonar og for til dømes nasjonalmuseet sine produksjonar.
Forutan lokale, regionale og internasjonale aktørar samarbeidar DKS Hordaland mellom anna med: Norsk Scenekunstbruk, Norsk forfattarsentrum, Norsk Filminstitutt, Nasjonalmuseet, Kunst i skolen, Norsk kulturskoleråd (KOM! prosjekt) og Rikskonsertane/Fylkeskonsertane.
- Sjå Turnéoversikt skuleåret 2010/2011
- Meir om turneverksemda til DKS Hordaland finn de i planen for skuleåret 2010/2011
Intern turnéorganisasjon
Prosjektleiinga DKS HFK samarbeidar med representantar frå Kultur- og idrettsavdelinga (særskilt Fylkesbiblioteket om produksjon av litteraturtilbod og Seksjon for kulturminne- og museum om produksjon av kulturminne og fornminnetilbod).
Fylkeskonsertane har eit omfattande produksjonsmiljø og står for 75 % av produksjonen sjølve.
DKS i Hordaland medverkar i produksjonen av ca 50 % av turnetilboda innan litteratur, film, teater, visuell kunst, kulturminne/fornminne og kulturell mangfald, og særskilt gjennom pedagogisk tilrettelegging.
DKS Hordaland initierer fleire av tilboda gjennom dialog med kunstnarmiljø, kunstfagleg ekspertise og kulturarbeidarar.
Vidare vert det leigd inn konsulentar for å skapa eigne produksjonar og for å delta i produksjons- og evalueringsprosessar.