Det er løyvd midlar til kunst- og kulturinstitusjonar og kunstnarar for å skape nye prosjekt og framsyningar i høve Den Kulturelle Skulesekken. Kommunane søker også midlar frå fylkeskommunar og staten til eigne prosjekt. Desse midlane søkjer vi sjølvsagt på, og denne potten skal aukast i åra framover. Men også her er det mange om beinet, så ein er avhengig av kommunale løyvingar og å søke på midlar frå andre instansar for å få sett ein god plan ut i livet. Difor har vi både i planen og vil i dei enkelte prosjekt tenkt vinklingar som harmonerer med våre overordna tankar om kunst og kultur i Sund, og som gjer at vi kan bruke dei som ein del av prosjekt vi tenkjer å søke midlar til frå anna hold.

Det tverrkulturelle perspektivet vil bli lagt spesielt vekt på hos oss. Også i nasjonale føringar for Skulesekken blir det trekt fram som eit av dei tre viktigaste fokus. I tillegg har vi mange ressursar i forhold til dette i kommunen. Vi vil gjennom denne planen jobbe for å auke lokalkunnskapen og –tilknytinga. Samstundes vil vi vise at verda er større. Vi vil prøve å vise samanhengar mellom det nære og det framande, mellom det gamle og det nye – at avstanden kan hende ikkje er så stor likevel. Dette kan resultere i konkrete prosjekt, vere ein link mellom ulike prosjekt og vere eit perspektiv i mykje av arbeidet.
Det er vektlagt frå statleg hald at elevane skal møte profesjonelle aktørar. Det interaktive – det at elevane er aktive deltakarar er viktig. Ein kunstnar skal ikkje berre kome å presentere sine ting og så reise. Vi vil sjølvsagt bruke dei kunstnarane vi har i vår nærleik, men også bruke folk utanfrå. Vi legg vekt på at lokale ressursar – om dei ikkje er heilt profesjonelle blir brukt i arbeidet og spesielt i det arbeidet som desse besøka og prosjekta kan føre til i etterkant. Vi vil frå kommunalt hald legge til rette for at resultata frå prosjekta kan visast til flest mogleg av kommunen sine innbyggjarar. Difor ønskjer vi å bruke dette i utstillingar, kulturdagar, Ungdommens kulturmønstring el.