Den Kulturelle skulesekken

Den kulturelle skulesekken er ei nasjonal satsing som skal bidra til at elevar i grunnskulen får møta profesjonell kunst og kultur av alle slag.

Satsinga forutset eit samarbeid mellom kultur- og skulesektoren.

Mål og prinsipp for arbeidet er forankra i St. meld. nr. 38 (2002-2003) Den kulturelle skulesekken, og Stortingets behandling av denne meldingen.

Etne kommune er tillagt eit ansvar for at den kulturelle skulesekken får ei lokal utforming og forankring. Ei plangruppe samansett av representantar frå oppvekstetaten, skulane, kulturskulen og folkebiblioteket har arbeidd fram planen for den kulturelle skulesekken for Etne kommune.

Planen er vedteken i komite Folk, og skal leggjast til grunn for skulane sine verksemd-planar / årsplanar.

Den kulturelle skulesekken skal

1) medverka til at elevane i skulane i Etne kommune får eit profesjonelt kulturtilbod.

2) leggja til rette for at elevane får tilgong til, gjer seg kjende med og får eit positivt forhold til kunst- og kulturuttrykk av alle slag.

3) medverka til å utvikla ei heilskapeleg innlemming av kunstnarlege og kulturelle uttrykk i realiseringa av skulen sine læringsmål.

4) gje elevane oppleving av kunst og styrkja deira eiga skaparevne